केलवा के पात पर से लेकर उग हे सूरज देव, छठ पूजा पर गाएं छठी माई के गाना, देखें छठ पूजा के गाना लिरिक्स इन हिंदी

Chhathi Mai ke gana, sharda sinha pahile pahil lyrics in hindi

पहिले पहिल हम कईनी

पहिले पहिल हम कईनी

छठी मईया व्रत तोहार ।

करिहा क्षमा छठी मईया,

भूल-चूक गलती हमार ।

सब के बलकवा के दिहा,

छठी मईया ममता-दुलार ।

पिया के सनईहा बनईहा,

मईया दिहा सुख-सार ।

नारियल-केरवा घोउदवा,

साजल नदिया किनार ।

सुनिहा अरज छठी मईया,

बढ़े कुल-परिवार ।

घाट सजेवली मनोहर,

मईया तोरा भगती अपार ।

लिहिएं अरग हे मईया,

दिहीं आशीष हजार ।

पहिले पहिल हम कईनी,

छठी मईया व्रत तोहर ।

करिहा क्षमा छठी मईया,

भूल-चूक गलती हमार ।

Kelwa ke Paat par Lyrics, केलवा के पात पर

केलवा के पात पर उगे लन सुरुजमल झांके झुके,

के करेलू छठ बरतिया से झांके झुके |

हम तोहसे पूछी बरतिया ए बरतिया के केकरा लागी ,

के करेलू छठ बरतिया से केकरा लागी |

हमरो जे बेटवा तोहन अइसन बेटावा से उनके लागी ,

से करेली छठ बरतिया से उनके लागी |

अमरूदिया के पात पर उगे लन सुरुजमल झांके झुके ,

के करेलू छठ बरतिया से झांके झुके |

हम तोहसे पूछी बरतिया ए बरतिया के केकरा लागी,

के करेलू छठ बरतिया से केकरा लागी |

हमरो जे स्वामी तोहन अइसन स्वामी से उनके लागी,

से करेली छठ बरतिया के उनके लागी |

नारियर के पात पर उगे लन सुरुजमल झांके झुके ,

के करेली छठ बरतिया से झांके झुके |

हम तोहसे पूछी बरतिया ए बरतिया से केकरा लागी,

के करेलू छठ बरतिया से केकरा लागी |

हमरो जे बेटी तोहन बेटिया से उनके लागी ,

से करेली छठ बरतिया से उनके लागी |

उग हे सूरज देव Lyrics

उगा हे सूरज देव भेल भिनसरवा,

अरघ केरे बेरवा पूजन केरे बेरवा हो,

बड़की पुकारे देव दुनु कर जोरवा,

अरघ केरे बेरवा पूजन केरे बेरवा हो।

बाझिन पुकारे देव दुनु कर जोरवा,

अरघ केरे बेरवा पूजन केरे बेरवा हो,

अन्हरा पुकारे देव दुनु कर जोरवा,

अरघ केरे बेरवा पूजन केरे बेरवा हो।

निर्धन पुकारे देव दुनु कर जोरवा,

अरघ केरे बेरवा पूजन केरे बेरवा हो,

कोढ़िया पुकारे देव दुनु कर जोरवा,

अरघ केरे बेरवा पूजन केरे बेरवा हो।

लंगड़ा पुकारे देव दुनु कर जोरवा,

अरघ केरे बेरवा पूजन केरे बेरवा हो,

उगा हे सूरज देव भेल भिनसरवा,

अरघ केरे बेरवा पूजन केरे बेरवा हो