Ram Navami 2023: राम नवमी के दिन जरूर पढ़ें भगवान राम पर ये दोहे, खुशियों से भर जाएगी आपकी झोली

अंक गएँ कछु हाथ नहिं अंक रहें दस गून॥

-नाम राम को कलपतरु कलि कल्यान निवासु।

जो सुमिरत भयो माँग तें तुलसी तुलसीदासु॥

-राम नाम जपि जीहँ जन भए सुकृत सुखसालि।

तुलसी इहाँ जो आलसी गयो आज की कालि॥

-राम नाम सुमिरत सुजस भाजन भए कुजाति।

कुतरुक सुरपुर राजमग लहत भुवन बिख्याति॥

-मोर मोर सब कहँ कहसि तू को कहु निज नाम।

कै चुप साधहि सुनि समुझि कै तुलसी जपु राम॥

-राम नाम अवलंब बिनु परमारथ की आस।

बरषत बारिद बूँद गहि चाहत चढ़न अकास॥

-बिगरी जनम अनेक की सुधरै अबहीं आजु।

होहि राम को नाम जपु तुलसी तजि कुसमाजु॥

-राम नाम नर केसरी कनककसिपु कलिकाल।

जापक जन प्रहलाद जिमि पालिहि दलि सुरसाल॥

-राम नाम कलि कामतरु सकल सुमंगल कंद।

सुमिरत करतल सिद्धि सब पग पग परमानंद॥

-सकल कामना हीन जे राम भगति रस लीन।

नाम सुप्रेम पियूष हृद तिन्हुहुँ किए मन मीन॥

-सबरी गीध सुसेवकनि सुगति दीन्हि रघुनाथ।

नाम उधारे अमित खल बेद बिदित गुन गाथ॥

-लंक बिभीषन राज कपि पति मारुति खग मीच।

लही राम सों नाम रति चाहत तुलसी नीच॥

-जल थल नभ गति अमित अति अग जग जीव अनेक।

तुलसी तो से दीन कहँ राम नाम गति एक॥

-राम भरोसो राम बल राम नाम बिस्वास।

सुमिरत सुभ मंगल कुसल माँगत तुलसीदास॥

-राम नाम रति राम गति राम नाम बिस्वास।

सुमिरत सुभ मंगल कुसल दुहुँ दिसि तुलसीदास॥

-रामहि सुमिरत रन भिरत देत परत गुरु पायँ।

तुलसी जिन्हहि न पुलक तनु ते जग जीवत जायँ॥

-हृदय सो कुलिस समान जो न द्रवइ हरिगुन सुनत।

कर न राम गुन गान जीह सो दादुर जीह सम॥

-रहैं न जल भरि पूरि राम सुजस सुनि रावरो।

तिन आँखिन में धूरि भरि भरि मूठी मेलिये॥

-रे मन सब सों निरस ह्वै सरस राम सों होहि।

भलो सिखावत देत है निसि दिन तुलसी तोहि॥

-स्वारथ सीता राम सों परमारथ सिय राम।

तुलसी तेरो दूसरे द्वार कहा कहु काम॥

-तुलसी स्वारथ राम हित परमारथ रघुबीर।

सेवक जाके लखन से पवनपूत रनधीर॥

-आपु आपने तें अधिक जेहि प्रिय सीताराम।

तेहि के पग की पानहीं तुलसी तनु को चाम॥